[b]رغم إنى مكنتش مؤمن بالحب إلا إنى بالفعل وقعت فيه كنت مخلص جداً معاها وبحبها أكتر من نفسى لكن النصيب والقدر وقف فى طريقى وحصلتلى ظروف تمنعنى أتجوزها محدش يقولى إنى لازم كنت أتحدى الظروف وأتجوزها لأنى بجد حاولت ويمكن حتى لو كنت عرفت كان ممكن يحصلى اضرار ومشاكل مش أنا بس اللى هعانى منها لدرجة إنى حاولت أنتحر من شدة عجزى عن مجرد التفكير ...
عمرى مكنت ضعيف وعمرى مكنت بدرجة الإحباط دى أبداً ..
وعشان أنا حبتها بجد صارحتها لأنها كانت ليا كل حاجة كانت حبيبتى وأمى وأختى ومصلحتها أهم من أى إعتبارات تانية حتى لو على حساب ألمى وعذابى مكنتش شايف غير إنى لو خبيت عليها إن موضوعنا أتكتب عليه الفشل هكون بكده خاين وعمرى مهسمح نفسى أبداً .
صارحتها
وواجهتها طبعاً وأنا منهار طبيعى هى كمان إنهارت أنا مكنتش هسيبها إلا لما تهدى وتفوق من أثر الصدمة
زى منا كمان كنت محتاجها جنبى لغاية مفوق من صدمتى أنا كمان .
فهمتها الموضوع كله بكافة تفاصيله لكن هى مكنش فى دماغها غير إنى كده مش بحبها وبايعها
أقسم بالله إنى محبتش غيرها فى حياتى ولا هحب بعدها حد تانى لأنى بكل بساطة خلصت حبى كله معاها وحتى لو فكرت أرتبط بحد غيرها هكون بظلم الإنسانة الجديدة لإن
ى بقى ملك إنسانة واحدة بس حتى لو هى إفتكرت إنها هترجعلى
ى لو سابتنى ........ أوكى هيرجع بس من غير أى مشاعر أو أحاسيس ..
أنا قولتلها كده كتير لكن صدمتها خلتها تكرهنى
مش بس كده دى حاولت تنتقم منى أشد إنتقام بتعاقبنى عشان مقدردش أكمل معاها بس بجد ظروفى والنصيب هو السبب مش أنا .
جرحتنى جداً وعملتنى معاملة لو حيوان إتعاملها مكنش إستحمل ..
عرفت إنى بموت وحالتى خطيرة مش فرق عندها .
عرفت إنى غايب عن البيت أكتر من شهر سألت عليا بعد رجوعى ففرحت إنها قلقت عليا .. لكنى إكتشفت إنها مش بتتصل عشان تطمن عليا دى كانت بتتصل عشان تتأكد أنا مت ولا لسه عايش حتى مهمهاش تعرف كنت فين أو أيه اللى حصلى .
تغيــب تغيــــــــــب وترجع تكلمنى عشان تألمنى أكتر تحاول تخلينى أفتكر إللى كان بينا وبعد كده تقولى إنسى واللى جواك لازم يموت .
هههههههههه
طب مهى قتلانى من زمان ولا هى لسه مخدتش بالها
بعد كده عرفت إنها أتخطبت ونسيتنى قولت ربنا يسعدها لكن هى مستسلمتش لأفكارها رجعت تكلمنى تانى
عشان تعيشنى فى ألم طول عمرى كلمتنى وعرفتنى إنها أتخطبت مش بس كده
إنها أتخطبت لأحسن حد فى الدنيا كلها وهى محبتش غيره أصلاً
قولتلها طب وأنا مكنتيش بتحبينى ؟!!
قالتلى لأ عمرى محبيتك أنا محستش بيك أصلاً
أنا كنت بحب قبلك وكنت واخدك وسيلة عشان أنسى اللى حبيته
لكن مش مهم أنا عرفت الإنسان اللى خلانى أنساك وأنسى اللى قبلك
!!!
قولتلها ليه بتعملى فيا كده
ليــــــــــه أنا معملتش حاجة وحشة فيكى عشان أستاهل ده كله منك
ليــــــــــــــــه
حتى أستخسرت تقولى السبب أو بمعنى أدق هى شافت إنها كده وصلت للى عايزة توصله
فى اللحظة دى كرهتها
كرهتها وكرهت معاها نفسى
كرهتها بعقلى لكن اللى ألمنى أكتر إنى مقدرتش أكرهها ب
ى
حسيت إنى معنديش كرامة ولا رجولة
تعبت نفسياً جداً وأكتئبت
وكرهت كل حاجة فى الدنيا
شغلى حياتى علاقتى بالناس
دمرتنى
وإستمتعت بتدميرى
بس اللى حوليا ذنبهم ايه !!
قولت لنفسى كده
حاولت انسى مقدرتش
فى الوقت ده وقبله وحتى لما كنت معاها كان فى كتير بيحاولوا يقربوا منى بس أنا للأسف مكنتش شايف غيرها
مع إنهم أحسن منها فى كل حاجة .
أهلى حاولوا ينسونى وطلبوا منى أخطب عشان أنسى وأعرف أعيش حياتى
دون الدخول فى تفاصيل .... خطبت فعلاً إنسانة عمرى مكنت أحلم بيها
بالتعبير الشائع خســـــــــارة فيا وعشان أنا مش خاين وعمرى مهكون خاين
حكيتلها عن كل التفاصيل اللى أنا عبشتها وعرفتها كمان إنى مبقاش عندى القدرة على حب حد أو التعلق حتى بحد .
هى كانت بتحبنى من زمان ونا مكنتش بحس بيها ولا بأى حد أصلاً أتمسكت بيا أكتر وأكتر حتى بعد محكيتلها
مع أن أى بنت مكانها مكنتش هتستحمل الظروف دى وخصوصاً هى أيه اللى يغصبها ترتبط بإنسان ميت زى أنا
وكان بيتقدملها كتبر وأحسن منى فى كل حاجة بس هى اللى كانت بترفضهم ..
هى كانت بتقدملى حب ورعاية وإهتمام وأنا مكنتش قادر أقدم ليها غير إحترام وتقدير فقط وده طبعاً غصب عنى
عدت عليا محن كتير كنت أول حد بفكر فيه للأسف مش هى كنت بفكر فى الإنسانة الأولى مكنتش محتاج من الدنيا كلها غيرها هى رغم كل اللى عملته فيا .. بس للأسف ملقتهاش كرامتها طبعاً أهم شئ عندها ومش مشكلة أى حد حتى أنا فى داهية مش مشكلة .
ملقتش غير خطيبتي هى بس اللى وقفت جنبى مع إنى كنت بخبى عليها عشان متعبهاش معايا هى للى كانت بتساعدنى فى كل حاجة وفى نفس الوقت عارفة إنى مش بحبها
ظلمتها من غير مقصد
تخبلوا بنت مخطوبة وخطيبها مش بيكلمها اصلاً ولا بيسأل عنها هى اللى دائماً تتصل وتسأل وعمرى محسيت إنها ملت منى . حتى إنها قالتلى حتى لو أنا سبتها مش هتحب حد غيرى وهى نفسها مش هتسبنى ..
ده كله خلانى أحس بيها وأحبها بس الغريب رغم كل ده مقدرتش أنسى الأولى رغم ده كله مقدرتش أنسى
وكنت بصارح خطيبتى بده كانت تحاول تغلط فيها أنا مكنتش بسمح ليها لإنى مغلطش فيها وأنا معاها مش هغلط فيها من وراها .
حسيت إنى خاين فعلاً رغم كل الحب اللى البنت دى أديتهونى إلا إنى برده مش ناسى الأولى ..
حصلتلى احداث كتير وحلمت برؤى البعض فسرها خير والآخرون فسروها إنها شر لكن الجميع إنفق إن حياتى غير طبيعية وأنا نفسى كنت متأكد إنى هموت ولو عشت هتكون حياتى عذاب .
عملت حادثة موت والغريب انى مفكرتش ولا جى فى بالى غير الإنسانة الأولى
مجاش فى بالى لا خطيبتى ولا أمى ولا أهلى ولا أى حد غيرها ..
أنا الوحيد اللى خرج من الحادثة عايش يمكن اللى يشوفنى ميعرفش إن حصلى حاجة صحيح جسمى متكسر بس عايش عادى وبمشى وبروح وباجى حتى مدخلتش المستشفى غير 5 أيام كل اللى معايا فى العربية ماتوا معادا أنا وواحد خرج بس حالته خطيرة فى المستشفى .
مش عارف أنا أتكتبلى عمر عشان ربنا بيحبنى ولا غضبان عليا بصراحة أنا كان نفسى أموت وأخلص من اللى أنا فيه .
طول الوقت
ى مقبوض وحاسس إنى هموت فقررى إنى أبعد عن خطيبتى عشان مظلمهاش هى كمان
عشان أنا حبيتها بجد ..
بس إزاى ده يحصل وهى بتحبنى الحب ده كله ..
خايف أجرحها
وخايف أصدمها
بس مش خايف من رد فعلها لإنى أستاهل أى رد فعل منها حتى لو أسوء من الأولى
عايزها تكرهنى بس مش عارف إزاى ده يحصل وهى أقسمت بالله إنها عمرها مهتكرهنى حتى لو عملت كارثة فى حقها ..
.
آسف على الإطالة بس بجد دى قشور الموضوع وليس الموضوع نفسه
ياريت حد يعرفنى أعمل أيه فى المشكلة دى أنا هاخد برأيكم وبعد كده مش هدخل فيس أو شات تانى أبداً لأنى بجد مش عايز أعرف حد خالص ولا حد يعرفنى ىسف على إسلوبى بس ده الواقع ..
منتظر ردودكم ..
